Eg vil við hesum bjóða meg fram sum umboð fyri teg í umboðsráðnum hjá LÍV.
Eg eri útbúgvin námsfrøðingur og havi í meiri enn 10 ár arbeitt í frítíðarskúla og ungdómshúsið.
Í skjótt 8 ár, havi eg verið virkin í fakfelagsarbeiði, og tað er ígjøgnum hetta arbeiði, at áhugin fyri trygging, eftirløn og arbeiðsmarknaði sum heild, veruliga hevur vakt seg í mær.
Eg eri giftur við Randi og saman hava vit 3 børn og eru búsitandi í egnum húsum í Hoyvík.
Tað eg vil virka fyri:
· Heldur lág umsitingargjøld, enn stór avlop á botnlinjuni - til frama fyri kundan.
· Tryggingar skulu verða kappingarførar.
· Íløgur sum LÍV ger, skulu verða burðardyggar og um umhugsaðar etiskt og moralskt.
· Har LÍV hevur ognarpart, ella ger íløgur í t.d. hotel ella byggivirksemi, skulu allir galdandi sáttmálar á arbeiðsmarknaðinum verða hildnir.