Hættislig sjúka

Sum nakað nýtt ber nú til at víðka samlagstryggingina til eisini at fevna um útgjald í sambandi við hættisliga sjúku. Hetta merkir, at um ein av tryggjaðu persónunum fær staðfest eina av 14 navngivnum sjúkum, verður ein avtalað tryggingarupphædd útgoldin í einum.

Tryggingarupphæddin í sambandi við hættisliga sjúku kann ásetast upp til kr. 100.000, tó ongantíð meira enn 50 % av tí tryggingarupphædd, ið er ásett við deyða á samlagstryggingini. Hvussu hesin peningurin verður brúktur, er upp til sjúklingin og avvarðandi.

Tryggingarupphæddin kann sum dømi geva møguleika fyri at:

   vera um sjúklingin
   fáa serlæknahjálp
   keypa maka leysan úr starvi
   keypa hjálpartól
   gera tillagingar í heiminum
   umleggja lán o.a.

Møguligt er hjá fagfeløgum og virkjum, sum hava teknað samlagstrygging, at víðka tryggingina við hesum tryggingarhátti.

Tryggingarupphæddin fellur til gjaldingar, um ein fær staðfest eina av hesum sjúkum ella sjúkuviðgerðum.

   Illkynjað krabbamein
   Blóðtøpp í hjarta
   Hjárásarskurð (bypas)
   Hjartalokuskurð (skurðviðgerð fyri hjartaklaff)
   Heilabløðing/slag
   Bjølg á lívæðr í heila
   Ávísan góðkynjaðan vøkstur í heila ella á mønu
   Dissemineraða sklerosu
   ALS (Amyotrofisk lateral sklerosa)
   Vøddasvinn
   HIV (av blóðgávu ella arbeiðstreytaðari smittu)
   Eyðkvæmi (AIDS)
   Nýrasvignan
   Størri vevnaðarflutning (organtransplantatión)
   Sjónarmiss
   Hoyrnarmiss
   Creutzfeldt-Jacob
   Parkinsonsjúku (Paralysis agitans)

Tryggingartreytir fyri Hættisliga sjúku eru at finna her.

Fráboðan um hættisliga sjúku, er at finna her

Um tú ynskir neyvari útgreining um sjúkurnar, ert tú vælkomin at seta teg í samband við okkum.

Logga á kundaportalin